只係開箱都開左成晚。真係成個人都好攰啊，我忍唔住中途都要抖抖，食返d小食補充下(因為之前幾日已不停在拆1111淘寶了)。不過唔好睇我呢度好似咁多箱，好似買左好多野咁。答案係錯嘅😜因為韓國人嘅包裝工夫真係太好。一個盒入邊仲要包多個盒，就算只係單件嘅貨物都唔會怕麻煩，整多個箱黎pack。同大陸嘅淘寶完全都唔同哦。拆箱嘅時候都覺得D箱乾淨啲呢。

 

今次主要係買鞋，同埋買Espoir 嘅聖誕特別化妝set。朋友見到我買波鞋竟然好驚呀，可能係佢地心目中我唔會點著波鞋。(你要知道我入workshop 做野都可以著高跟鞋的。)我並唔係唔想買，只係買唔到心水，因為我個人好矮，一著就顯得腳短，所以波鞋係無咩機會列入我的購物清單。但今次Gmarket有好多discount，我見到又係我最愛的全白所以入貨。而且呢對20週年特別版香港已經斷貨了，所以買到又有discount我係非常開心的❤️

 
自從上個月去完韓國，Espoir已成為我的最愛，因為成分係用韓文寫，所以我都無特別研究了。呢個牌子香港暫時唔多人知，但佢同公司其下嘅Etude House你地一定識啦，你可以當佢係型格嘅貴價版啦。佢地出嘅化妝掃已成為我日日用嘅item。

除左睇到裡面有聖誕特別set之外，仲有之前韓國好hit嘅Bbia eyeliners，勝在平靚正long lasting。不過唔記得左加左幾多錢(好似500won)，就有埋make up remover， 而且仲有其他贈品，總之就好抵。因為Gmartet個web site就算係click左用中/英文，落單果陣都係用韓文的，所以我都係估估吓睇下加左500won有咩。

本週Gmarket仲有啲sale items雖然無之前咁抵，不過有興趣都可以去睇吓架。