我諗學芭蕾舞大概係所有女孩子的夢想，幻想自己好優雅同好靚。

好多人一聽我話跳芭蕾舞，都以為我細細個就學芭蕾舞，我細個嘅時候點會好似依家啲小朋友咁，會學咁多唔同嘅嘢，只能學一樣，所以我選擇左最基本嘅小提琴。

其實我都係成年之後先開始學。由2008年一直到而家，我今年剛考獲8級證書，雖然成績唔係咁出眾，但我已盡左力自問目標已達到。現正學緊major grade。當然早d學係好d，起碼少好多壞習慣的動作，d筋又柔軟d，但我又唔係當成職業，真心鍾意就幾時都學得啦，係咪？我知道有個婆婆成60歲先開始學，所以你想學就隨時都學得架。

我只係堅持做一件我喜歡的事，開心又減壓。當發現到自己突然做到某d動作時，真係好有成功感架。而且你嘅氣質同心態都會改變，你會變得更有毅力同決心。芭蕾舞看似優雅，其實係柔中帶剛，看似輕若羽毛，實質腳指已痛到抽筋，但仍須表現氣定神閒。所有無番咁上下堅持，好快就會放棄。

堅持做一樣你喜歡的事，確係一件好美好嘅事呢。你喜歡的興趣又係咩呢？加油哦💕

跳左100次先錯少D

https://youtu.be/7YvpiAUGSjI