話說我一直用開iherb physicians formula 支眉筆，雖然好好用，但佢質地較軟身，我用一個月多d就用完一支，所以成日要補貨。其實我愛用佢除左因為佢係天然化妝品之外，正正係因為佢軟身易上色，但唔好處就係好快用完。由於上次買開iherb時唔記得訂返d存貨，無理由特登訂一支返來用吧，運費都蝕。
好彩，俾我無意中搵到呢支。來自日本的ESmake 雙頭眉筆，喺水貨店就買到架啦。見佢一支有齊gel 同眉粉咁得意，就買左黎試下啦。估唔到有驚喜😍
本身佢有3隻色可選，而我用嘅係2號色，似我頭髮嘅顏色，亦比較多人買。不過我覺得packing 好浪費，支筆細細支，但個packing 大大個。
通常我會先用眉gel 果邊，畫好成個眉形，因為佢係扁頭所以好易控制，無論係畫型格一字眉定溫柔彎月眉都好易畫到。
而另一邊的眉粉擦頭，設計就似一個大棉花棒，我就鍾意用呢邊畫眉頭。眉頭要柔和一點先唔會變成小虎眉喔。
大家睇下效果:
今次同大家介紹嘅呢個係來自美國的Physicians Formula Super BB All-in 1 beauty balm compact cream , SPF 30 #light （對於我有少少深色左一度)
以為喺藥妝店買到好野，而佢本身又講到自己好似係天然成分formula，所以就買咗返來，點知買返來又係嗰啲嘢。
咁不如講左佢自己聲稱嘅功效先啦。首先佢話自己可以一盒就可以代替保濕、粉底同防曬，官方係咁寫:
Our high technology multi tasking formula combine UVA/UVB protection, brightening antioxidants, moisturizing and firming botanical and perfecting optical diffusers for super-powerful for skincare makeup benefits
我嘗試翻譯一下:
(我們的高級技術包含的多項任務處理配方結合UVA / UVB防護，增亮抗氧化劑，保濕，緊緻和完美的光澤，帶來超級強大的護膚化妝的好處)
包裝上仲注明左十個唔同嘅功效，包括:
不過我買左覺得有少少雷品。點解？
講吓我用咗一星期後的感覺啦。佢有少少似平時用開的面霜，剛搽上面會覺得好似搽cream咁，仲有d令立立嘅感覺，會覺得佢好似好保濕好水潤咁樣。你又唔會覺得佢好厚，不過又唔係好似平時上粉底咁推開會變粉狀，我覺得好"笠"。如果之後唔加碎粉，會妝會好似好油咁。由於佢好油，所以我覺得自己d細紋中毛孔係光之下仍然可見，而遮瑕力就一般啦，我仲見到d斑斑。好彩個妝都幾貼面，持久力都OK。可能都係唔夠保濕，一到下晏2，3點就開始出油。
係咪好似好creamy 呢？
對比一下剛試上手的效果，係日光同室內燈光的分別:
日光
燈光
到成分啦，佢絕對唔係純天然，雖然話係inactive 但都有好多化學物質。查過Think Dirty 之後，發現呢個product只係剛剛合格，原因如下:
Inactive ingredients 有呢d:
Polyethylene 聚乙烯: 是一種塑膠(合成聚合物)，在化妝品中具有多種功能，研磨光滑的聚乙烯顆粒可以做為磨砂成分，另外聚乙烯也可以做為穩定劑(stabilizer)、結合劑(binding agent)、增稠劑和成膜劑(film-forming agent)。
講咁多都係想話你知係塑化劑。
Dimethicone矽靈 : Silicone 類物質，不揮發液體矽，為人工合成材料 – 矽化物，高純度矽靈類幾乎是無毒性的，能給予產品滑柔及絲綢感，並形成薄膜在皮膚上，清爽不黏膩，通常用於輔助著妝或潤絲用品上，以創造質感，依黏稠度不同有許多應用及變化。含矽靈的產品通常只能帶來短暫的立即效果，無法長期維持及吸收，甚至可能會減低其他成份的滲透效率，因此較適合添加於非滲入肌膚型產品配方中。
HDI/Trimethylol Hexyllactone Crosspolymer HDI/三羥甲基己內酯交聯聚合物, HDI/三羥甲基己基內酯交聯聚合物 :
抗結塊劑，高分子粉體，可使粉底較為自然不厚重。
Cetyl PEG/PPG-10/1- dimethicone 鯨蠟基聚乙醇/聚丙二醇-10/1聚二甲基矽氧烷 :
一種矽酮，作為皮膚調節劑和乳化劑。另見silicone。
大概你見到咁多化學成分都已經驚左了。不過佢都叫做係好好多架啦。好過無啦
資料來源:
Think Dirty
CosDNA.com
Paulaschoice.com.tw
呢支係之前係網上面好紅嘅foundation 。大家之前一定有聽唔少要YouTuber 呢都介紹過㗎啦。今次呢我朋友俾左支我試用一星期，做一個小report 先。
我用左#4 natural Beige
1. 首先呢呢支野呢真係賣得好貴，所以呢我喺度特別建議大家，真係盡量要係counter 試清楚先至買啦，唔係你真係好後悔。
2. 我本人就極度抗拒搽係面上的東東有d唔太自然的味道，咁呢支野我唔知點解佢俾我一種好抗拒嘅感覺。唔知係咪我反應大，佢陣味令我好唔舒服，有啲好想作嘔，係啲令人唔愉快嘅味道。但查過成分之後，終於揭開謎底。所以話你自己突然抗拒某d野係有原因的。
3. 不過老實講，佢係樽度你會覺得佢好水，可以係樽內"浪下浪下"，但剛唧出來你又會覺得佢幾結實，好似一滴已經有好高濃度嘅精華，係面上推開又可以好快由liquid狀變成粉狀，令你覺得佢好薄架，連碎粉都唔駛上都得。
4. 不過呢我就覺得佢太薄啦。因為我面上邊嘅斑斑啦同埋毛孔都仲見到。覺得唔係好夠遮瑕，只係好簡單咁均勻左我d膚色。
平常日光燈
加左大光燈可以睇得好清楚。
5. 咁當然啦你要一支粉底液就做晒所有嘅嘢，包括你嘅面上毛孔啦，又要有精華啦，仲要去遮住你嘅皺紋同色斑當然係太貪心咗D啦。因為要做到遮暇嘅同時，又要做到透薄係非常之困難嘅。如果你要遮瑕，即係話了用好多色去遮住有深色斑斑嘅地方，所以個妝一定會好厚。無可能會薄喔。
再睇下佢嘅成分。暫時呢得出的結果呢，佢都係比較low risk嘅，但都係有好多化學成份。留意有以下幾種會引起某啲人嘅刺激、過敏:
Cyclopentasiloxane: 滑順劑，無色無味透明的揮發性矽油，由於其易揮發之特性，常作為化妝品中之載體，幫助其他物質進入肌膚，並能降低表面張力，使產品清爽好塗抹，提昇絲滑觸感，不黏膩，不具刺激性，常作為毛髮調節劑、潤膚劑、溶劑，添加量1%~50%。
Fragrance : 可能要遮住某d味而加，但唔知係咩成分
Methylparaben： 之前都有講過，即係paraben防腐劑
Phenoxyethanol : 防腐劑、定香劑，未稀釋前對眼睛刺激性很大，稀釋至2.2%則不具刺激性。美國食物及藥物管理局(FDA)指，Phenoxyethanol能夠抑制中央神經系統，有可能導致嘔吐和腹瀉。
Propylene glycol : 溶劑、保濕劑、黏度控制劑，無色無臭液體，能完全溶解於水之多元醇類，不具油膩感，亦有助防腐作用。因為其皮膚滲透性強，溶解力大，具有刺激性，過量或經常使用可能會對皮膚造成危害。
小分子保溼成分，成見於卸妝乳(霜)、化妝水及精華液中，能夠將水分留在角質層，協助溶解污垢，幫助活性成份滲透，避免卸妝過程中太快乾涸，但實際上抓水比例並不高。
Geraniol : 主要用以作為芳香添加物，亦有部份驅逐蚊蟲之能力
Limonene : 檸檬香味的「檸烯」用以作為清潔用品中之有機溶劑，以取代礦物油。只有指空氣清新劑和香味蠟燭之中散發的Limonene，會令空氣中「揮發性有機化合物」（Volatile organic compounds，VOCs）上升。
吸入VOCs或它混合其他物質轉化為甲醛（Formaldehyde），會令人眼睛灼痛、皮膚受刺激、咳嗽和感到噁心，嚴重的可能會引致鼻咽癌。
Linalool : 香料
Hydroxycitronellal : 香料
資料來源：Apple daily & CosDna.com
今日去左參加YSL Be a cushionista event. 我剛好11:30到就仲未有人排隊，咁我就去左Starbucks 坐陣。到11:45左右就開始見到d人黎緊，我當然就快快手排隊，剛好lucky 7. 
店員非常之用心介紹新的le cushion , 試左感覺好輕身，上面幾貼，不過就有d太薄，所以我面上的小雀斑就遮唔到了。如果皮膚唔想搽得多野果陣，只用cushion 就已經Ok了。如果有d班班，就最好上完粉底再上啦。雖然我比較白，但我試左03色，係同我膚色相近的自然色。店員話一般東方人都係03色實無錯。咁我就可以粉底白d，cushion用深一度色，整返個視覺立體效果😜
仲有棉花糖請你食。
我反而試完 Instant Moisture Glow 就非常愛不釋手，因為搽完真係非常非常之滑。同佢支金金primer 一樣咁滑！我咩都唔諗就即買了。佢絕對係護膚品，唔同primer ，一般護膚之後，搽防曬前用。下午仲可以補妝時搽，補下水。
真係好多人。因為係一對一同你試。慢慢同你講解。我同朋友兩個人應該玩左成45分鐘。
今次event 買滿$880 仲有野送添。當然買多d送多d。我買3樣野就有右邊的贈品了。
活動得3日到星期日架咋，得金鐘PP, Elements 同屯門間YSL有。星期六唔駛返工就12點去啦。話就話12pm-8pm，但名額得100個架咋。手快手呀。
就算唔買野都有以下禮物的。你只要hashtag #beacushioniata 一張event 相到社交網絡上就可以有架啦。我絕對係為左支mini lip tint oil 而黎，因為細細支放手袋太正，而且係想買都買唔到的。
鍾意按摩面部嘅人，就真係要小心啦。任何磨擦同埋拉扯皮膚，都會破壞左角質層，咁就會令到皮膚變得乾燥。特別係用機同塭人按摩，力道好唔同架。所以呢，小不免就唔好成日摩擦你塊面喔。記住每次摩擦到臉部係要特別細細力喔。ReFa 我都有用，主要按腳，因為跳舞多。用係面就非常之少。無錯，按面係就係可以消水腫，不過，有可能過度拉扯皮膚。可要注重喔❤️
點解會咁講？因為保護皮膚嘅角質層係非常之薄，只有0.02 mm左右。好多人以為角質只係表面嘅死皮，需要深層清潔，清走佢。如果你經常係咁揉佢，又拉扯又按摩咁。你啲角質細胞咪會脫落過多，連表皮最面果d都去走。即時係會感覺塊面係滑左，但無3,5,7 日都未咁快生返d角質架。無咗最表層嘅保護，等於失去咗你嘅保濕功能，咁咪會覺得乾囉。
好多朋友以為我好叻，點解會識得睇咁多成分。其實我一d都唔叻架，只係做左好多功課。咁多化學成分，又點會記得到咁多啦。我都係靠查字典同上網架咋。不過，係街買野果時又好難企係人地間店度上網check架嘛。有個幾個tips俾大家，
1) SLS 即係 Sodium Lauryl Sulphate、Sodium Laurylsulphate、Sodium Lauryl Sulfate、學名稱為Sodium dodecyl sulfate (SDS)等。簡單黎講如果成分有sodium 乜乜乜我一定放低，因為sodium 嘅化學反應好大，(你睇下加左水同Sodium 嘅反應)
即係話刺激性比較高，長期且高濃度接觸，就會導致破壞肌膚角質層，造成皮膚容易吸收其他致癌成分，並滲入各種促進癌症的成分可能性。
2) PEG- 成分(聚二乙醇Polyethylene glycol)，其他寫法有結尾有-xynol、-ceteareth、-pleth。通常用數字作為不同類型的區分，例如：PEG-4、PEG-100…。數字愈細，代表化學成分愈容易被皮膚吸收。
根據國際毒物學期刊（International Journal of Toxicology）的化妝品成分審查報告，發現PEG含有好多污染物，包括1,4-二氧陸圜(1,4-dioxane)已知的致癌物質、多環芳香族化合物，重金屬鉛、鐵、鈷、鎳、鎘、砷…等。已經被證實會降低血壓，成分不容易被分解、容易累積在肝臟中。所以有PEG就最好放低啦，都係少用為妙！
3) Paraben (苯甲酸酯類): 有致癌風險，目前已被歐盟禁用。成日用作化妝品的防腐劑。標示可能會寫成methyl-、ethyl-、propyl-、 butyl-、itobutyl- 等字樣。
4) 同成分後面有個數字跟住的就係人造化學物
5) 除左幾個比較簡單的，我仲下戴左兩個好方便的apps，Think dirty 同CosScan可以即時scan barcode 同成份表等你知成分安唔安全。不過兩個都係外國apps，所以我地用間的日韓牌子可能search 唔到。
要list哂就真係太多啦，記住呢幾個已經夠用了。
今次教大家整一個DIY 補妝盒。巿面上一般大牌的化妝盒都好靚，但就太大，而且一盒可能只得一樣野，拎出街隨時要帶好多盒，真係要靚就要辛苦d啦。為左貫徹我平時帶少少野嘅作風，我就幫自己製作左一個迷你補妝盒，真係細細個放袋仔。材料非常簡單。只需20分鐘完成。
你只需要:
1. 準備好需要的材料
2﹣3. 計劃下你大概會放D咩係那個位置，得果6CM的位置，真係要精簡喔。
4. 準備好你嘅無印良品小盒，用消毒酒精將佢抹乾淨。
5-6. 將你所需要嘅眼影，慢慢咁整出來。個底應該有少少膠水，所以唔駛落膠紙貼住。(呢度我會用比較平D嘅眼影，除外因為整出來嘅時候好容易整爛，又成日拎出街，爛咗都唔會心痛呀嘛。我用innisfree眼影。通常補妝我會用淺色閃閃，因為可以好容易將溶左嘅妝變返正常。)
7. 剪一個60mmw X 35mmh的咭紙。為左環保，我用貼紙張底部咭紙剪出來用。記住用酒精同張咭紙消毒。
8. 然後就將你嘅胭脂用Blu-tack黐係呢一張咭紙上面。直接放在盒上，因為張咭有少少over 左盒面的size, 所以唔駛用膠紙都可以固定係盒上架。（我用Canmake雙色胭脂。)
9-10. 相信大家平時都收過唔少各大化妝品牌嘅粉底sample。而家可以放佢地入去啦，仲送咗一個小小嘅粉撲，大小剛好。（Compressed 粉底 from Chanel)
11. 差不多完成了。一個小盒已經有齊大部分有需要的東東了。
12. 如果個粉撲係唔啱你心水嘅話，你可以係出邊買一啲現成，然後轉成你所需要嘅大細，再放入去。
13-14. 裝飾時間，隨你鍾意貼d貼紙上去整靚佢啦。
15-16. 完成！仲可以放入Chanel 眼影袋度，即時升le。
♥ 希望大家鍾意啦 ♥
Kiko Milano 自後舊年11月來港後已有一段時間，唔駛我多講你地都知佢係來自意大利嘅親民化妝品牌。自從舊年係尖沙咀LCX開左第一間香港分店之後，而家係銅鑼灣時代廣場B2都有一間細細啦。由於價錢大過親民，大家一定好緊張d用料係咪會好差。可以答你有驚喜而且係唔差!
包裝既簡單又型，係我至愛的simplistic style💖試用過佢地嘅眼影之後，感覺都唔錯，幾幼滑。如果係一朝早化妝，只係下晝有少少溶。如果唔係出街前用佢黎化妝眼妝，而只係用佢嚟下晝作補妝之用都OK架。
顯色不錯，我上左兩層已經同眼影原本個色好似。我用緊嘅係Infinity eyeshadow #276 Sparling Indigo 加 #282 Pearly Navy Blue，都係$35咋
只上#282色
而呢個係Infinity #246 Pearly Dark Wisteria ，雖然無Sparkle 系列咁閃，但有珠光效果。
想閃d 就用Infinity + Sparkle #406 Lilac，就勁閃。上一層已bling bling✨
其實三十幾至六十幾蚊就有咁嘅效果，仲想有啲咩點？呢個因為價錢平，所以呢好適合買一啲你平時比較少用嘅眼影。同埋呢佢細細盒都幾方便帶出街嘅，貪佢係街道跌爛咗都唔會心痛㗎嘛，係咪？
相信大家一定好擔心成份嘅問題。咁我check過佢嘅成份都比較安心使用。只係其中有以下兩種比較令人擔心會引起過敏嘅情況，其餘都OK嘅。
可能會敏感的成分：
Bismuth Oxychloride 羥氯化鉍 – 色素
Phenoxyethanol 苯氧乙醇 – 防腐劑 (我見到有呢個成分，都會有d擔心。但佢實在太平，所以我原諒佢。)
所以30幾蚊咁抵玩，我覺得大家不防買比較少用嘅顏色玩吓。唔駛擔心買大牌用一，兩次就唔用浪費哂d錢。
佢地個web site:
唔係講笑，因為用開的Kiss Me 自從轉左公司之後， 連Formula 都唔同左無咁好用了。之前佢仲係棗紅色包裝我真係忠實fans，用完一支又一支。但新個支真係麻麻地，所以又開始尋找mascara之旅。
Kiss me – 第一代Volume & curl mascara （bungundy tube）已停產（我的最愛）要擇好的mascara，我一定要
我跟住好多人嘅推介，買左好多唔同嘅牌子試，點知買左發現係雷品。hold 5住，好快dup 😭可能係我嘅問題。YSL / Lancome / Chanel / Gurlain 都試過tester， 但都係會溶妝下午就變左熊貓眼。因為mascara係每2-3個月就要買新的，所以我好想買返又平又抵用的。有幾支因為已經掉左無影到相，你地可以search 返d圖。
為左塭一支好用的Mascara，呢幾個月真係買左好多支mascara。以下咁多支，咩擦頭都有，但係仲係未揾到一支又平又好用。
以下係我覺得比較好用的
SweetheartGal | Beauty | Calligraphy 
你必須登入才能發表留言。