話說上星期五去影pre wedding，之前一晚臨時臨急醒起不如寫幾粒字帶去影啦，加啲自己嘅calligraphy元素。咁我就即時係屋企搵返我之前買左無諗過幾時用嘅瑪瑙片，快手寫咗yes I do。點知當日去到太趕已經唔記得左要影呢兩片東東。
事後男友仲話咁細粒，你自己影完post Instagram 好過啦，而家放唯有放上網自娛下，比大家望下啦，好過浪費自己的心機。
補充一下資料:
瑪瑙片我係之前去德國旅遊時係巿集買架，外國比較多顏色。如果唔係要送俾人，可以重複使用。用清水抹乾淨就得架啦。另外，廟街都曾見過有得賣，不過數量同款式都比較少。
而顏料就最好用油性先上到色，水性係好難先寫到架。呢度我用左
Dr.Ph.Martin’s Spectralite liquid acrylic 18K Carat Gold
Nibs 我用左至愛的Zebra G
不過英文書法種類千變萬化。通常初學都會用brush 或者用Tombow ABT brush 寫，因為最易上手。去旅行時，我比較鍾意用Pentel 筆，夠方便嘛。
Brush style with Tombow ABT:
Brush style with Pentel ( brush head ) | Calligraphy style: flourishing
而用nib筆桿寫的話，其中最多人學嘅就係Modern Calligraphy 因為Modern較易掌握，而且無咁多規範千變萬化。而比較多規範的有Copperplate, 仲有我喜愛的Spencerian，同埋我鍾意用黎做設計的Flourishing 。
Modern Calligraphy:
Copperplate:
Spencerian:
Flourishing:
呢個係我之前個blog 分享的其他心得，有興趣學可以望望
https://sweetheartgal.com/category/calligraphy/
我的YouTube 教學
https://youtu.be/P9TvFOP60Rs
對大部分學英文書法的朋友 Eleanor Winters 的大名大家一定不會陌生吧。因為佢係Copperplate 的Master 喔，佢本"Mastering Copperplate Calligraphy " 書仲係好多人的自學良品呢。我最開始接觸Copperplate 都係朋友介紹我跟佢本書學架，Step by step 簡單易明。
年頭的時候我仲係對英文書法一竅不通，見朋友寫得幾靚先心思思開始學罰抄。到3月的時候知道佢將會來香港開workshop ，我先快手開始學了。用左兩個月時間跟著佢本書每日寫一粒字。諗起都覺得自己好似著左火咁，咁迷😝
上堂的notes
一連兩日的 Eleanor Winters Copperplate brush up workshop 咁快就完結了。真係好唔捨得。
多謝她的耐心教導，佢真係好有心機教，每一點一劃佢都會認真講解。仲會每教幾個字母之後走過來睇下每位同學寫成點再直接指導。 兩堂total 6hrs 真係唔係好夠喉，好想從佢身上學多d呢❤️️
近來真係好忙碌，成個4月都好忙。忙於做咩？就係我嘅新玩意。俾大家睇睇我d成果先。
暫時仲未寫得好好，仲要俾心機努力一下💪🏼 寫modern calligraphy 比copperplate 簡易一d，因為無咁多規範，自由一點。但copperplate 勝在可以練習好基本功，都係唔好未學行先學走，咁快自創風格了😝 不過只要自己一坐低專心寫字，我就發現自己可以連寫幾個小時都得，絕對係訓練專注力同耐性嘅好方法。
自從學習英文書法之後，發現Copperplate 書法同芭蕾舞真係有好多相同之處。雖然芭蕾的歷史或者遠至十六世紀，但copperplate 和芭蕾都係興盛於十七世紀後期的法國。同樣地大家都係因宮廷而發展出的藝術。大家都有非常嚴格的要求及規範。
就等我用古典芭蕾時期簡單對比一下：
最近受好友Rani影響，愛上寫Calligraphy 。香港真係無咩地方有齊想買的工具。好在有Etsy 同 Amazon 我可以買到一d工具同書自學。
你睇我幾認真！ 朋友同我點解唔用電腦畫呀？大把Fonts 啦，快靚正。但我總覺得寫字時心靈好平靜，同我畫水墨畫寫書法一樣，要好慢好專心。或者，係城市的生活太急速吧，咩都要快靚正，但卻忘記了整個過程就是最大的樂趣。
這兩天第一次拎起支鋼筆寫呀寫，感覺幾易上手。即時令我多左自信心。我只係BB咋，仲係copybook ABC的level，仲要繼續努力呢！
SweetheartGal | Beauty | Calligraphy 
你必須登入才能發表留言。