分類: Little Shop

♥ MrsC9 to be ♥ 一見即心心眼的靚靚絲花球

Published on 由SweetheartGal撰寫

相信每位準新娘一定有好多野煩，有無辦法一次過俾晒d好野我？等我條B2B路好行d🙏🏻 影Pre wedding又要煩惱搵個花球襯下。但要搵一個靚的花球真係唔易，由於影pre wedding 要上天下海，真花可能影半日就bye bye 了，為左慳家，我決定用絲花球影，咁就成日咁玩都唔擔心玩殘個花球啦。一般巿面上的絲花球款式差不多，顏色來來去去都係大路的粉紅同米白色，除非訂做唔係一定無d特別野。雖然我已經自己DIY左個dream花球，但女孩子總係三心二意，特別係做左B2B，總係想搵到最靚的東東。就係呢個時候我的BFF 出現，佢本身係專門做保鮮花盆景設計，但一聽到我話要花球，就話我知其實佢有好多日本靚絲花做的花球。 佢whatsapp 左d相俾我，問我想要邊個，天呀，唔係買花讚花香，d日本絲花真係好真好靚好靚好靚❤️

呢幾張就係佢Whatsapp 比我的，係咪好心心眼？   

我無諗咁多就話全部丫唔該， 點知佢又堅陪我玩，轉個頭就搵速遞送左8個花球去我屋企。  

其他friend 子聽到就笑我，話我到底會影幾多輯prewedding ？定係我想張張相都拎幾個花球？🙈

實物係咪好靚呢？     


我諗大部分女仔同我一樣見到咁多花一定好心心眼。佢咩色都有，估唔到酒紅色同藍色花球真身係咁靚，如果唔係佢俾我，我真係未必冒險買太特別的紅同藍的花，因為好多時幻想同真實好唔同。但想講粉藍色原來都好fresh 好靚架，如果我去外拍影草地應該好靚。雖然我本身係粉紅痴，長期以為至愛的粉紅色先最襯，原來藍色襯我d膚色仲靚呀！我影完PW 再俾大家睇下啦。

而家突然有咁多花球，我可以諗下邊件衫襯咩花球，好期待我星期五去影prewedding 呀，不過果日好似勁熱，仲要拎好多野，希望我唔好熱到溶左啦。

如果大家有興趣可到

Facebook / Instagram Greeninhk 找佢啦

♥ MrsC9 to be ♥ 遇上超好人的婚紗店店長

Published on 由SweetheartGal撰寫

自從男友4月去旅行時神秘求婚之後，返到香港我地就好快手開始籌備婚禮。除左因爲啱啱遇到婚展而join左PW plan 之外，我就真係場地日子都未confirm 就已經去睇婚紗啦，無辦法啦，女仔對婚紗係有情意結♥

Join 左wow esdlife 同學會之後我真係好努力每日睇文，好似上左引咁，一有時間就開apps 睇。見到大家都咁開心share 真心覺得大家好好，同時亦感覺到大家的幸福心情。

睇左大家分享左咁多試婚紗嘅相，又俾我問左一大堆資料之後。上個星期我終於開始第一次試婚紗。我去左位於觀塘大家近期的話題婚紗店。地點非常就腳，觀塘B出口行過觀塘廣場，第一個街口轉左直行差不多到街尾。不過要小心，因爲隔離棟樓個名同佢差不多，我唔小心行錯左，上到去一出lift個刻，心諗真係好舊式嘅工業大廈喎，有d唔對路。發現行錯左之後，就快快腳去返啱個地址。今次上到好即係好唔同，lift 口都光猛d。行到去門口，我簡直好似去左酒店spa咁，全白色設計的裝修，細心的放左一張凳o係門口俾你換拖鞋，拖鞋上面仲有佢個logo 架。不過如果你無乜所謂都可以唔著，因為我試試下衫就已經唔會記得著返。成個店鋪的裝修都係用全白色公主房設計，感覺grand 得黎好舒服，我見到就超級心心眼了。

係度真係讚下100分的店長，勁細心勁好人超nice💕 除左唔怕我煩由得我任試，係咁細心幫我著好件婚紗(你地都知背後個綁帶真係有排穿架) 🙈仲要有幾件我一上身就知唔啱我，佢都話試埋啦，起碼你之後會知咩衫型可以唔駛再試，幾靚都唔適合你。果刻我真係好感動，佢真係好好人😘
其實去之前我都去左佢Facebook 睇定d款，都幾清楚自己要乜，就係甜美優雅大拖尾Style ，所以都可以好快手決定試咩。不過原來咁樣又除又著，都用左成個半鐘，我真係非常唔好意思阻左佢收工🙏🏻真係辛苦左店長。其實心目中都已經有The ONE嘅人選，如果我無再試到其他啱可能就係佢。不過今次就唔post 先，因為我想保持神秘感，跟西方傳統，婚禮當日先俾未來老公睇到The One，咁先有First Look feel 嘛。等佢結婚嗰日有驚喜。

呢間婚紗舖嘅婚紗非常注重cutting，入邊有好多魚骨。所以店長建議我著nu bar就得，連girdle都可以唔使著啊。真係着咗無胸都變有胸，無腰到變有腰。好啦，俾大家睇下我試成點啦。不過都係唔入選的朋友

第一件係魚尾，其實着得好靚又令我好似高左。同時顯得優雅高貴左好多，個拖尾超靚呀。不過我未有叮一聲的感覺

第二件都係魚尾，係店長推介。不過我感覺上身太多閃石，好似感覺有啲太貴婦了。唔太襯我

第三件都係魚尾，因為我好鍾意個充滿仙氣的背後design

第四件就公主款。但我人矮，所以齊地puff 款即刻唔掂，變咗個波，即out 試完婚紗到晚裝，呢條紅色敬酒禮服，質料超輕，布料輕飄飄，好有仙氣。我地拉起左裙尾之後要用成一分鐘先飄返落地下😂

粉紅色係所有女仔嘅情意結，著上身即時少女左❤️

後補資料：

只要上到去show facebook like 就可以免費試身一小時。不過我唔小心超時，佢又未收工就由得我。十萬個Thank you。而且店長完全無hard sell我，俾我返去慢慢考慮，仲提我今個月有promotion, 去到5月尾前落單有9折。唔需要咩即試即落單先有折。之後仲可以無限轉款。

Shop info:

Ma Cherie Bridal HK
觀塘成業街19-21號成業工業大廈13樓17室
Tel: 3791 2183
Facebook@macheriebridalhk

Facebook @sweetheartgal
Instagram @sweetheartgal

甜著shop 🎀 Shannnam

Published on 由SweetheartGal撰寫

img_1676認識 Shannnam 都已經有一段時間了。我地嘅認識都係一個機緣巧合，那時大家都係剛起步開始自己brand的designer，都係膽粗粗一個人帶住自己的design 去東京參加展覽擺擋。那時的我甚麼都沒有，只有眼前自己設計的東東，而家諗起都覺自己心口的勇字好大。但卻充滿厚厚的滿足感。Shannnam 的擋口離我有點遠，所以我無咩同佢傾計的機會。反而係返香港時大家同機而傾計交換facebook。


今日有機會來到佢個launch party，好開心見到朋友仍然keep 到那團火。鄧朋友高興之外，心裏亦替朋友的設計越來越多market而興奮。行創作的路一直不易，自己也是一員所以身同感受，而且曾經見過不少人因為撐不下去而放棄呢。所以見證到朋友的成功，我也很感恩呢。

作品以水做主題，雖是變化無窮，卻在一瞬間被捕捉住。我喜歡那瞬間被捕捉的形態，彷彿最美的一刻被凝住了。

如果你也欣賞創作人，就請多多支持我們吧。為創作人加油。
佢地個launch event 由今日到28/1，有興趣就去睇下啦。

參考資料:

Shannnam :// SOMEWHERE collection《AQUE》launch

甜著shop🎀 當一回偽文青澳門"瘋堂"閒逛

Published on 由SweetheartGal撰寫

望德堂區絕對係依家澳門文化創意的新興集中地。因為呢度除咗保留左好多已經有百年歷史嘅葡式建築物之外，而家仲多左好多唔同嘅畫廊，工作室同埋好多年青人的創意小店。
   
 
澳門婆仔屋位於瘋堂斜巷，附近有好多特色嘅創意小店，係文青生活閒逛的好地。如果係港澳碼頭嗰邊上車，你要坐12號巴士一路搭到去塔石體育館站落車，沿着西墳馬路直行，見到d好靚嘅石磚地就差不多去到㗎啦。

   

今日剛好遇到婆仔屋週日的特色嘅創意市集，我地係入面閑逛左一陣。

  
  
 
呢一間叫Wallflowers Hong Kong 嘅小店d飾物好特別呢。係店主佢地舊年用咗一個月的時間去歐洲旅行做backpacker時的回憶。咁佢哋返來之後就將佢哋所見到嘅嘢用畫出來。全部都係獨一無二，係根據每一個地方而畫。

  
我哋買咗呢一個係威尼斯。顏色好美呢。
   
 

店主非常小心為我地印上自家logo.

Facebook | Wallflowers.bowtie

另外仲有好多特別的飾品店如 Untitled，來自香港的店主特意找尋獨特的珍珠，再配合佢嘅design 就能變化出不同風格的簡約首飾！我係珍珠控，所以又忍不住買了。

 Facebook | Untitled
  
我哋沿途慢慢行行下，就發現左呢間叫Klastic Cafe 的 coffee shop。裡面非常之舒服寧靜，係約會嘅好地方。

  
所有嘅食物都好用心製作，而且d杯杯碟碟仲好靚添。我點左一杯叫做"浪漫玫瑰"的夏日特飲，聽個名都覺得好浪漫。我本著呢個名而點，卻發現係一杯不太甜仲好有玫瑰花香的飲品呢。有驚喜✨食物仲有一定水準喔。牛角包係推介，外皮香脆，如果係兩個人黎食，記得叫店員幫手切一半喔。

Facebook | KlasicKafe 

甜著shop🎀 上環 Visionaire 

Published on 由SweetheartGal撰寫

   
 今日男友有自己野做，我當然約好姊妹出街淘下啦。行完PMQ之後，我地路過九如坊嘅一間小店 " Visionaire"。店內嘅野非常之有特色，有來自世界各地唔同嘅產品，全都係店主精心挑選嘅。有興趣上佢哋嘅網頁睇下。我地同為一個來自荷蘭嘅咭片銀包而開始同店長傾左好耐。店長非常之nice 呢。

  
我本來睇中左個小咭片銀包，可惜我想要的pink baby 仲未出，要等多兩星期呢。Rani 就買左個閃白，靚嗎？仲有function。等我收到再share。

我今日就先買咗一個好靚嘅卡片盒，雖然佢表面係一個卡片盒，但係我搖身一變，你睇下: 變左做我嘅化妝盒了。

#卡片盒都變化妝盒😝

參考資料:

Facebook | Visionairehk

Green In your life

Published on 由SweetheartGal撰寫

我非常支持好朋友創業，努力去做自己喜歡做的事。Green In 係我一對夫妻檔好友成立的品牌。其品牌理念非常簡單，就係要Bringing “Green In " your life。由於我地大部分人生活只在室內渡過，缺乏綠色的大自然環境。期望透過小小的盆景，加幾分想象，令到你能夠係狹幅的空間找到一點大自然的歸屬感。因為人始終要係大自然中得到安靜，平衡日常工作嘅壓力。  
每一個盆景都在說一個故事，看著看著，你可以說這就如看了一幅畫，也可說是看了在本書。想像的空間就係無限大。

今次我特別找來友人幫忙設計一個保鮮花擺設。友人前身係時裝設計師，未經營小店之前常為各地品牌設計企劃款式，所以顏色細節功力自然一流。所以我完全放心交俾佢做，我唯一要求就係要粉紅色同有兔仔草。

 

其實店裡有好多公仔可選，不過我就俾左一個芭蕾舞公仔，一對迷你芭蕾舞鞋俾佢地整。由於芭蕾舞公仔係今年好友Rani送的聖誕禮物(之前喺Instagram 都有post過)，所以我好想幫佢搵一個家。
最後因為放左大量靚花，而友人又驚整爛我對迷你pointe shoes 所以只放在公仔一隻。但成個意境已經好夢幻好靚，完全係我想要的(真心覺得靚，唔係賣廣告)

  
2015年最後一日就收到了。感覺有如年尾大獎，真係好靚好鍾意。

有興趣不妨看看佢地個Facebook 專頁。
Green In