自從學習英文書法之後，發現Copperplate 書法同芭蕾舞真係有好多相同之處。雖然芭蕾的歷史或者遠至十六世紀，但copperplate 和芭蕾都係興盛於十七世紀後期的法國。同樣地大家都係因宮廷而發展出的藝術。大家都有非常嚴格的要求及規範。
就等我用古典芭蕾時期簡單對比一下：
認識 Shannnam 都已經有一段時間了。我地嘅認識都係一個機緣巧合，那時大家都係剛起步開始自己brand的designer，都係膽粗粗一個人帶住自己的design 去東京參加展覽擺擋。那時的我甚麼都沒有，只有眼前自己設計的東東，而家諗起都覺自己心口的勇字好大。但卻充滿厚厚的滿足感。Shannnam 的擋口離我有點遠，所以我無咩同佢傾計的機會。反而係返香港時大家同機而傾計交換facebook。
作品以水做主題，雖是變化無窮，卻在一瞬間被捕捉住。我喜歡那瞬間被捕捉的形態，彷彿最美的一刻被凝住了。
如果你也欣賞創作人，就請多多支持我們吧。為創作人加油。
佢地個launch event 由今日到28/1，有興趣就去睇下啦。
參考資料:
朋友笑說我係香水癡。真的，我一年大約用完5-6支50ml的香水。我非常喜歡噴香水，我會係出門口前左右耳背噴一下，手腕兩邊一下，膝蓋兩邊一下再加頭髮兩下，一共8下。可想而知我嘅用量係幾多。都未計有時下午會補兩下。另外，我間中都會係臨瞓前噴兩下係頭髮上，期待聞著香氣發個甜夢。我喜歡甜美辛香的花香味，聞起來有豐富的花香，不能太濃，優雅就可以了。Chanel No.5 一直係我的心頭好；gurlain 的小黑裙也是甜美動人的味道；而最近我就迷上了 Chanel 的 Gardenia 同 chance Eav Vive。
著名時裝設計師Coco Chanel 曾經講過，"你應該將香水噴係你任何想被親吻嘅地方。"
相信我，會令你增加一種令人無法抗拒的感覺。
香味帶著魅力加上浪漫感覺，就形成一種神秘的誘惑。有誰不曾被香味吸引？係文藝復興時期，人們簡直係香味之癡。咩都要噴香水，除左正常d噴手巾仔外，竟然連錢都會噴呢。法國國王路易十四，有「香水國王」的稱號。佢仲每日去用不同的花所製成的香水噴滿整個凡爾賽宮。據說國王不太喜歡沖涼，所以會用沾滿香水的乾布抺身。因為佢嘅影響，更令法國成為「香水之都」。
氣味絕對係人類能保存得最耐嘅記憶。我嘅另一半對氣味有强烈的反應，而且能夠以香味認到我。可想而知女人能夠從佢選擇嘅香水味道代表自己。並且成為自己既一部份。選擇一款香水，係主觀嘅行為佢，你覺得啱味就係嗰果啦。
香水的味道非常之重要，我用嘅香水另一半同我一樣鍾意嗎？如果唔係排斥我就慘了。所以好多時我會係買之前俾d tester佢嗅下，因為香味唔係你自己一個人嘅事，亦都係你身邊嘅人嘅事。難過你希望被討厭嗎？
每一季都在流行不同的東東。如果真係要跟隨，除左要花好多精力同金錢之外，又係咪一定適合你自己呢？
每個女人都有自己獨特的個性，不同嘅喜好。適合你嘅，係一個highlight，反之係一個pull down呢。所以無需要一定要跟潮流了，咁太累了。做你自己係最舒服的。但我並不是叫你偷懶喔。而係要學懂咩對你黎講最適合呢。
幸運地我一早已清楚知悉自己嘅喜好，所以我可以好快就選擇好買咩，真係慳返唔少時間同金錢。最重要係因為我強烈知道有咩係唔啱我。由於我天生嘅高度俾左我好大的limitation(嬌小的我只有151cm高)，所以太bulky, 太鬆, 太多一層二層嘅野我已經可以唔駛望了，我會著d令自己睇落又高又瘦的衫。
除左一定要選擇自己喜愛的東西，仲要選對的東東，唔需要刻意太跟隨潮流。最重要係適合你。試想像一下，明明你係唔適合當季潮流的粉紅色衫，一著上身就顯得你好奇怪，咁做咩要試呢？
衣著除左會反映你的品味，仲話俾人聽你嘅生活態度。所謂近朱者赤，你會發現自己會慢慢因為相同的衣著品味，而身邊多左差不多style 的好朋友。
望德堂區絕對係依家澳門文化創意的新興集中地。因為呢度除咗保留左好多已經有百年歷史嘅葡式建築物之外，而家仲多左好多唔同嘅畫廊，工作室同埋好多年青人的創意小店。
澳門婆仔屋位於瘋堂斜巷，附近有好多特色嘅創意小店，係文青生活閒逛的好地。如果係港澳碼頭嗰邊上車，你要坐12號巴士一路搭到去塔石體育館站落車，沿着西墳馬路直行，見到d好靚嘅石磚地就差不多去到㗎啦。
今日剛好遇到婆仔屋週日的特色嘅創意市集，我地係入面閑逛左一陣。
呢一間叫Wallflowers Hong Kong 嘅小店d飾物好特別呢。係店主佢地舊年用咗一個月的時間去歐洲旅行做backpacker時的回憶。咁佢哋返來之後就將佢哋所見到嘅嘢用畫出來。全部都係獨一無二，係根據每一個地方而畫。
我哋買咗呢一個係威尼斯。顏色好美呢。
店主非常小心為我地印上自家logo.
另外仲有好多特別的飾品店如 Untitled，來自香港的店主特意找尋獨特的珍珠，再配合佢嘅design 就能變化出不同風格的簡約首飾！我係珍珠控，所以又忍不住買了。
Facebook | Untitled
我哋沿途慢慢行行下，就發現左呢間叫Klastic Cafe 的 coffee shop。裡面非常之舒服寧靜，係約會嘅好地方。
所有嘅食物都好用心製作，而且d杯杯碟碟仲好靚添。我點左一杯叫做"浪漫玫瑰"的夏日特飲，聽個名都覺得好浪漫。我本著呢個名而點，卻發現係一杯不太甜仲好有玫瑰花香的飲品呢。有驚喜✨食物仲有一定水準喔。牛角包係推介，外皮香脆，如果係兩個人黎食，記得叫店員幫手切一半喔。
前幾日同外國朋友傾開香港女仔嘅吸引力，以前就話全香港靚女多。但原來喺佢地外國人眼中，香港女孩無咩吸引力，仲覺得我地個個差不多style，唔係好有主見。雖然我唔係咁認同，因為只係閒聊，所以我都無爭辯。所以我同佢講，可能你去錯地方未識到有質素嘅靚女。
我雖然做唔成天生的美女，唯大靠後天培養。做個氣質高雅的女孩吧，至少人地唔讚你靚女，都可以讚你有氣質。為左令自己越來越迷人，除左要注意外表同皮膚保養之外，優雅迷人嘅性格都非常重要。你有無留意過我偶像永遠的女神Aubury Hepburn 係幾咁優雅？所以你一定要有自己的態度，忠於自己，堅持自己的信念。
除此之外，仲要時刻保持住好奇心，令自己充滿住趣味性，令人覺得與你一齊時非常吸引，而且充滿新鮮感同內涵。而唔係講d蠢話。當然你要有積極的態度自己學習，先會學懂你的生活，培養自己的修養。
要做到咁，就一定要下苦功增加自己的知識。你有無留意一下時事？最近睇過電影？鍾意讀咩書？有留意藝術展嗎？甚至喜歡嘅音樂。呢一d全部都係創造你個人風格的元素，即係你的內涵同修養，亦係你嘅生活態度，係會令你自身發出光芒的魔法。我相信任何人都學得來嘅。
對任何事情都好，一定要有自信，盡情享受你的生活的同時創造一個獨特的你。
❤️美女們加油喔❤️
今日男友有自己野做，我當然約好姊妹出街淘下啦。行完PMQ之後，我地路過九如坊嘅一間小店 " Visionaire"。店內嘅野非常之有特色，有來自世界各地唔同嘅產品，全都係店主精心挑選嘅。有興趣上佢哋嘅網頁睇下。我地同為一個來自荷蘭嘅咭片銀包而開始同店長傾左好耐。店長非常之nice 呢。
我本來睇中左個小咭片銀包，可惜我想要的pink baby 仲未出，要等多兩星期呢。Rani 就買左個閃白，靚嗎？仲有function。等我收到再share。
我今日就先買咗一個好靚嘅卡片盒，雖然佢表面係一個卡片盒，但係我搖身一變，你睇下: 變左做我嘅化妝盒了。
#卡片盒都變化妝盒😝
參考資料:
我非常支持好朋友創業，努力去做自己喜歡做的事。Green In 係我一對夫妻檔好友成立的品牌。其品牌理念非常簡單，就係要Bringing “Green In " your life。由於我地大部分人生活只在室內渡過，缺乏綠色的大自然環境。期望透過小小的盆景，加幾分想象，令到你能夠係狹幅的空間找到一點大自然的歸屬感。因為人始終要係大自然中得到安靜，平衡日常工作嘅壓力。 
每一個盆景都在說一個故事，看著看著，你可以說這就如看了一幅畫，也可說是看了在本書。想像的空間就係無限大。
今次我特別找來友人幫忙設計一個保鮮花擺設。友人前身係時裝設計師，未經營小店之前常為各地品牌設計企劃款式，所以顏色細節功力自然一流。所以我完全放心交俾佢做，我唯一要求就係要粉紅色同有兔仔草。
其實店裡有好多公仔可選，不過我就俾左一個芭蕾舞公仔，一對迷你芭蕾舞鞋俾佢地整。由於芭蕾舞公仔係今年好友Rani送的聖誕禮物(之前喺Instagram 都有post過)，所以我好想幫佢搵一個家。
最後因為放左大量靚花，而友人又驚整爛我對迷你pointe shoes 所以只放在公仔一隻。但成個意境已經好夢幻好靚，完全係我想要的(真心覺得靚，唔係賣廣告)
2015年最後一日就收到了。感覺有如年尾大獎，真係好靚好鍾意。
有興趣不妨看看佢地個Facebook 專頁。
Green In
每次係街度見到打扮得靚嘅人，除左忍唔住望多幾眼之外。我都會由心去欣賞同敬佩佢地。因為要做一個靚人真係要花好多心思。一定要持續累積每天的努力，一天一天的鍛煉自己的扮靚心得，真係要做好多功課，先會有閃閃發亮的效果架。
我的visual diary 係讀Art & Design 嘅時候做的功課。因為要交俾教授評分，早年我會畫下畫，剪貼下d idea。而家已變成習慣，雖然畫就畫少左好多，不過我貼左好多自己鍾意嘅野。至於我個人嘅style 就係呢d平日剪下貼下塭出黎架啦。所以我好鼓勵大家整本屬於自己的visual diary ，你會慢慢學懂自己的風格。
近期迷上日本手賬貼紙。貼靚自己本簿仔真係好開心。
我諗學芭蕾舞大概係所有女孩子的夢想，幻想自己好優雅同好靚。
好多人一聽我話跳芭蕾舞，都以為我細細個就學芭蕾舞，我細個嘅時候點會好似依家啲小朋友咁，會學咁多唔同嘅嘢，只能學一樣，所以我選擇左最基本嘅小提琴。
其實我都係成年之後先開始學。由2008年一直到而家，我今年剛考獲8級證書，雖然成績唔係咁出眾，但我已盡左力自問目標已達到。現正學緊major grade。當然早d學係好d，起碼少好多壞習慣的動作，d筋又柔軟d，但我又唔係當成職業，真心鍾意就幾時都學得啦，係咪？我知道有個婆婆成60歲先開始學，所以你想學就隨時都學得架。
我只係堅持做一件我喜歡的事，開心又減壓。當發現到自己突然做到某d動作時，真係好有成功感架。而且你嘅氣質同心態都會改變，你會變得更有毅力同決心。芭蕾舞看似優雅，其實係柔中帶剛，看似輕若羽毛，實質腳指已痛到抽筋，但仍須表現氣定神閒。所有無番咁上下堅持，好快就會放棄。
堅持做一樣你喜歡的事，確係一件好美好嘅事呢。你喜歡的興趣又係咩呢？加油哦💕
跳左100次先錯少D
SweetheartGal | Beauty | Calligraphy 
你必須登入才能發表留言。