Organic Roasted Dandelion Root Tea (Naturally Caffeine Free Herbal Tea)
因為呢個星期瞓得唔係咁好，加上轉天氣，作感冒，所以下午Tea time☕️沖左一杯蒲公英茶。雖然有一種強烈的苦澀味，所謂苦口良藥，好過飲咖啡啦。佢有豐富的維生素A和C、胡蘿蔔素、蛋白質、脂肪及礦物質同時含有豐富的微量元素，鈣、鐵等多種健康營養的成分。
蒲公英茶可以刺激口水分泌改善消化系統，仲可以幫助穩定血糖，防止過高/過低、強健肝臟、利尿、改善便秘、青春痘、清熱毒等功效。不過最緊要就係佢可以利尿，幫你去水腫，自然體重都減輕d。而且仲有抗癌作用，對病毒性流行性感冒仲有一定的治療作用。
蒲公英茶始終有啲藥性，所以大家切記唔可以飲太多而且唔可以過量。平時飲用蒲公英茶最好對症用藥，唔可以當成保健品來長期飲用。另外，蒲公英茶會降低血壓，所以不適合低血壓的人飲用。
因為有可能導致噁心嘔吐、腹部不適等不良反應。為左中和一下蒲公英茶的藥效，我特別加左少少蜜糖。
注意：陽虛外寒、脾胃虛弱者、對花草敏感也不宜飲用。
要留意自己是否對蒲公英敏感哦♥
除左用護膚品，好多天然的食材都可以抗衰老。只要平日多食含抗氧化成分嘅食物例如維他命C，多酚及硒等食物。有助清除體內過多的自由基(老化元兇)同埋減慢細胞衰老嘅速度。
抗氧化食物首先推介梗係士多啤梨啦！因為佢含有豐富嘅維他命C。而佢嘅維他命C仲要比橙多，六粒嘅士多啤梨已經係一日嘅份量啦。 除左可以減慢衰老仲可以預防黑色素同美白淡斑功效。而佢本身含有嘅鐵/鉀/鎂仲可以舒緩精神壓力。
除咗維他命C，士多啤梨更含有黄酮類物質，其中的花青素*有極強嘅抗氧化能力，可以幫助刺激體內的抗氧化系統分泌更多的抗氧化激素，可以阻擋住自由基對細胞同埋膠原蛋白(collagen)嘅破壞，並且增加膠原蛋白同埋黏多醣嘅合成，維持血管壁的完整性，保護咗我哋較脆弱嘅微絲血管。對我地雙眼都相當有益呢。
每100g含有:
Vitamin-C 58.8mg
鐵0.41mg
鉀153mg
鎂13mg
花青素 33mg
雖然士多啤梨有咁多咁好嘅功能，不過某類人士就要小心唔可以食太多啦。特別係咳嗽嘅時候，脾胃唔好嘅人，孕婦，或者患腎結石的人都不宜多吃。
*花青素係一個水溶性嘅植物色素，佢嘅抗氧化同清除自由機嘅能力，係維他命E嘅50倍，維他命C嘅20倍。
SweetheartGal | Beauty | Calligraphy 