分類: Looks & Tutorials

❤️MrsC9 to be ❤️教您簡單自製pre wedding 絲花球

Published on 由SweetheartGal撰寫

相信各位B2B都想搵一個靚靚嘅花球影pre Wedding。老實講，我都想用鮮花去影，但係諗到pre Wedding要成日周圍走，一定好快玩殘d真花，而且有可能會影多幾次，所以就決定用絲花花球了。

由於市面上搵到啲都唔係好岩自己心水。咁我上網做d research ，係Pinterest 度搵咗啲資料，參考下大概嘅花球造型之後，就開始自己動手做一個。

其實我係第一次做，如果做得不好就請多多指教🙏🏻

製作時間大約2小時，要準備嘅材料非常簡單:
1. 一大堆唔同品種的絲花同綠葉，有齊我想要既粉紅色花花。相信大家都知道係花墟邊度買架啦，我就唔係度多講邊間啦。
2. 剪刀
3. 鐵鉗仔用來剪斷啲花支
4. 鐵線，用來扎實束花
5. 2-3寸寬絲帶
6. 熱熔槍，用來黐實剪咗花枝嘅位置以防𠝹手

步驟非常簡單，大家看圖吧。唯一麻煩嘅係，要點樣係整花球嘅時候keep 到個花球係圓球型，呢度要花少少心機。

不過完成之後，朋友都話我個花球好大呀，大過我個頭🤣 其實我自製不俾街買平，但可以做到自己理想效果好開心💕

因為原身d葉唔夠靚，所以我拎走晒

全部花支修剪成同一長度為20cm

按喜好將d花放在一起

完成

係咪好大個呢?

Love ❤️ 皺紙花手作

Published on 由SweetheartGal撰寫

尋日心血來潮諗住整啲花花，當做影相嘅小道具跟住就去左文具鋪買皺紙。 仲記得係以前中學讀書係圖書館搵到本書學整，之後就迷上了。

D皺紋紙無以前果d咁tough整爛整就整爛啦。本來想整玫瑰花，但一捲就爛。😙 我要去搵厚身d 嘅紙再整。

製作過程非常簡單，你睇下，只要剪兩剪，捲兩捲就完成。整左咁多花花都只係用左2小時咋。

呢款紙無咩拉力，好薄。要pass

d玫瑰花瓣一拉就爛，所以改整第二種花。

剪完再拉開，捲返個邊邊

捲捲下就成型了

大功告成❤️

Sweet talks ❤️ Lego 亮燈

Published on 由SweetheartGal撰寫

今次個post有d閃😝原諒我

話說男友好叻做下小手工，成日都會氹下我。最近佢終於完成了我們的小法國街，真係一個大工程，由砌一粒粒lego到加燈，真係小d心機都唔得呢。睇得我入哂神，又浪漫又美麗💖💖💖

   
 

Sweet教室❤️ DIY 迷你補妝盒

Published on 由SweetheartGal撰寫

今次教大家整一個DIY 補妝盒。巿面上一般大牌的化妝盒都好靚，但就太大，而且一盒可能只得一樣野，拎出街隨時要帶好多盒，真係要靚就要辛苦d啦。為左貫徹我平時帶少少野嘅作風，我就幫自己製作左一個迷你補妝盒，真係細細個放袋仔。材料非常簡單。只需20分鐘完成。

 你只需要:

  • 一個小小的無印良品盒仔 ＄12
  • 你要用的眼影、胭脂、粉底 (隨你喜歡的東東)
  • 粉撲
  • 貼紙
  • 剪刀、blu-tack


1. 準備好需要的材料

2﹣3. 計劃下你大概會放D咩係那個位置，得果6CM的位置，真係要精簡喔。

4. 準備好你嘅無印良品小盒，用消毒酒精將佢抹乾淨。


5-6. 將你所需要嘅眼影，慢慢咁整出來。個底應該有少少膠水，所以唔駛落膠紙貼住。(呢度我會用比較平D嘅眼影，除外因為整出來嘅時候好容易整爛，又成日拎出街，爛咗都唔會心痛呀嘛。我用innisfree眼影。通常補妝我會用淺色閃閃，因為可以好容易將溶左嘅妝變返正常。)

7. 剪一個60mmw X 35mmh的咭紙。為左環保，我用貼紙張底部咭紙剪出來用。記住用酒精同張咭紙消毒。

8. 然後就將你嘅胭脂用Blu-tack黐係呢一張咭紙上面。直接放在盒上，因為張咭有少少over 左盒面的size, 所以唔駛用膠紙都可以固定係盒上架。（我用Canmake雙色胭脂。)


9-10. 相信大家平時都收過唔少各大化妝品牌嘅粉底sample。而家可以放佢地入去啦，仲送咗一個小小嘅粉撲，大小剛好。（Compressed 粉底 from Chanel)

11. 差不多完成了。一個小盒已經有齊大部分有需要的東東了。

12. 如果個粉撲係唔啱你心水嘅話，你可以係出邊買一啲現成，然後轉成你所需要嘅大細，再放入去。


13-14. 裝飾時間，隨你鍾意貼d貼紙上去整靚佢啦。

15-16. 完成！仲可以放入Chanel 眼影袋度，即時升le。

img_1986
♥ 希望大家鍾意啦 ♥

 

Sweet 教室❤️簡易皮革匙包製作

Published on 由SweetheartGal撰寫

我越來越鍾意拎好少嘢出行。繼自從買左個小小furla 袋後，我真係咩都為左fit in 而慢慢將我嘅隨身物品換成迷你小巧的東東。

巿面上的匙包對於我黎講，實在有d大。我塭左好耐都買唔到心水。由於我個袋真係太細，每寸空間我都非常珍惜。只要某樣嘢用多左位我就要減少一樣嘢唔放係袋了。

講左咁耐，我而家正式教大家點整。因為見到有Rani 喜愛的Tiffany blue 皮革，我順手整埋送俾佢。

 

  1. 準備一塊1mm厚的皮，剪成一個8cm X 7.5cm 的長方形
  2. 再係上面兩邊大約向入1.5cm，向下0.8cm的位置畫兩個圓圈
  3. 用0.3 號開孔釘，開兩個孔待用
  4. 搽兩層水性硬化劑，等一晚過夜乾

  

5-6.搽兩層邊油，等10分鐘乾

7.準備好黃銅螺絲扣，穿落之前釘好的孔度

8. 大功告成✌🏼️

總共用左半個鐘咋。快靚正❤️

  
靚唔靚呢？

太子EE 修甲

Published on 由SweetheartGal撰寫

  
因為自己整左gel 甲，所以我今次只係塭EE 修腳甲。EE 好好人做甲都好有心機。佢話自己後生時學，識d比較老派嘅修甲方法，但係我覺得手勢好好。我每次黎整頭髮都會順手整埋，一次過整哂方便又省時間，最啱多多攪作的我們。

  
呢個就係EE嘅工具，佢話佢用靚剪刀修甲，平常會用鐵皮盒裝住，d棉花係用來keep 住佢地唔好互相碰撞，保持工具又sharp 又新。你對自己的化妝掃有無咁好保護呢？

用暖水浸陣完腳，佢仲慢慢幫我抹乾雙腳，有d做spa feeling❤️ 之後搽Vaseline 在我的甲邊修死皮，感覺好似搽cream 咁一邊護膚一邊修甲，仲有錯覺以為自己死皮唔多🙈

  
油完腳甲靚哂。今次選了Chanel 橙紅做主色。

  
因為佢有好多甲油，呢d係EE 覺得我會鍾意的顏色，只係拎左佢其中一少部分出黎。如果你有自己的甲油都可以帶俾佢幫你搽架。
EE 叫 Elaine, 想塭佢修手腳搽甲油，可去太子Unique Hair塭佢架，walk in 就得架啦，因為EE 無名片的。
地址:

Unique Hair Salon, Prince Edward

地址: 九龍太子西洋菜北街181號地下

營業時間: 11:00-9:00

  

❤ Love 妝容 ❤ 渲染雙色唇

Published on 由SweetheartGal撰寫發表留言

Makeup Revolution Iconic pro lipstick Blindfolded FOD01 & Liberty Matte FOD01


老老豆豆，個顏色真係幾靚，而且一支都只係$45，買呢d唔係成日用嘅顏色玩下都幾抵玩吖。所以我試完色無咩點睇就買左返屋企了。不過我返去細心一睇個成分就知出事啦！成分唔多，其中幾個:
Paraffinum liquidum : 呢個等於mineral oil。第一個ingredients 已令我好驚驚， 其實見到"paraffin" 字根我已有點擔心。大家都知mineral oil 咪即係凡土林，又係人工化學物，可能會敏感又會出痘痘，對人體有害。所以見到有呢個字嘅野都係少用為妙。

「天然化粧品公司不使用這種成分，因為它會像一層膜似地黏貼在皮膚上，妨礙氣體的交換。」- 德國產品評鑑機構Stiftung Warentest

「石蠟比例超過10％的產品會促使皮膚乾燥及皺紋形成；這類來自原油的人造物質干擾皮膚自然的調節機制，還可能積累在肝臟、腎臟和淋巴結內。」-消費者雜誌Öko-Tes

Polybutene : 稠化/濃度加強劑 (見到Poly XXX 都唔駛講啦。又係化學物質)

Ethylhexyl palmitate : 又係會生痘痘

Cera carnauba / Cera microcristallina / Candelilla cera : 總算有d天然䃳質成分，不過都係柔順劑角色。

Propylparaben : 防腐劑 (見到Propy XXX 就已知係化學物質)

BHT : 又黎多個防腐劑？(呢條唇膏可以放好多年喎)

睇完個成份表之後係咪好驚呢？因為始終都係食落肚嘅嘛，我建議大家貪得意玩下好啦，唔好成日用呀！因為始終都會引致敏感同埋會出痘痘。記得食嘢同飲水之前就要抹左佢啦，千祈唔好吞咁多落肚呀。
今次我仲加埋其他唇膏。

  • Chanel rouge allure #136
  • Chanel rouge allure velvet #44
  • Guerlain kiss kiss #325
  • Guerlain kiss kiss #R373
  • Visee #PK820

不過呢我就唔會成個嘴搽，你睇下我點樣試下整呢個雙色唇，係咁意搽少少係嘴角當係highlight。

Blindfolded FOD01 Mix

Liberty Matte FOD01 Mix


呢個係教學片 http://youtu.be/MyMBn4P0TZA

DIY: Starbucks 杯小改做

Published on 由SweetheartGal撰寫發表留言

IMG_5879-0

星期日係屋企無野做嘅話，不如做d小手工啦。之前飲完嘅Starbucks杯，我特別留起左個Xmas杯，洗乾淨之後，只係需要三分鐘嘅時間就搞掂㗎啦。留意下面的step.

Step 1: 開始之前要檢查一下個杯有無洗乾淨。因為好多時凍咖啡都會加左啲cream，會特別多奶油漬，要洗多幾次再乾淨。

IMG_5880-1

Step 2: 揀一個你鍾意嘅貼紙。最好揀一個比較大一啲嘅貼紙，可以夠大遮蓋住杯蓋之前放飲管個有個窿嘅位置。

Step 3: 不過係貼貼紙之前，我哋要做少少手腳。因為前面嘅貼紙貼好左之後，由於係個窿嘅關係，所以我哋要剪一塊圓形嘅膠紙封住底部嘅膠貼，費事黐晒啲塵。

Step 4: 如果屋企無一個圓形嘅貼紙，咁就要DIY一個膠貼。首先用幾條膠紙黐一個闊D嘅長方形。然後放係杯蓋上有個窿嘅位置，畫出圓形嘅大概尺寸，外面要預留多2mm紙口，再剪出來。

IMG_5884-2

Step 5: 首先黐好留部嘅膠紙，慢慢貼好之後就黐上頭先你揀嘅貼紙喺杯面。咁就已經完成㗎。可以放你需要用嘅嘢，隨你鍾意。我今次就放咗好多唔同嘅化妝棉落去。

IMG_5885

大功告成！係咪好容易呢？

我的粉紅美甲系列

Published on 由SweetheartGal撰寫發表留言

好多朋友都話見親粉紅色就自然會諗起我，粉紅色已差唔多成為我的trademark (雖然有好多時，我都會用下其他顏色)。粉紅色真係一個好girly 同 fancy 嘅顏色, 望落去有種溫柔又帶點甜蜜浪漫的感覺，叫人忍不住陶醉於自己的幻想世界。 就係咁我成日唔覺意就將d指甲油成粉紅色了。

  Photo 18-11-2015, 11 51 38.jpg

如果唔係好知用咩色好，可以試下運用兩隻種唔同深淺嘅同色系。（上面呢兩款唔係Gel甲，所以無咁令身體。)
  

現今一般家用的美甲甚至gel甲產品都非常易用，只要加以練習就已經可以畫出唔同嘅效果了。我最鍾意加sticker同bling bling 閃石，只要花D心機，襯下唔同嘅色調已經好靚啦。
  

其實呢種帶有baby pink/nude 感覺嘅顏色，就最易襯衫啦。唔知你哋又中意油啲咩顏色呢？(左邊係普通OPI，右邊係Gel甲，係咪好唔同呢？）

  

我個人比較鍾意揀其中兩隻手指整啲變化。

♥呢個係近期的最愛，好適合秋冬嘅玫瑰粉紅色。