標籤: b2b

婚紗呢個item 真係試了又試，雖然我唔係試左好多間，今次呢間係第四間啦，其中有d無得影相我就無分享了。 今次呢間婚紗店係wow友介紹的旺角小店。係咪覺得旺角完全同婚紗拉唔上關係呢？ 初頭我都係咁諗，既然有人提過係好野，就一試無防！
星期六大風又大雨，去到旺角又超逼人。當時有一刻諗過，早知上星期就cancel booking 啦。 但我又覺得我一個月前先book到今日，咁難book 會唔會真係好野？既然我咁想知，一於上去望望。
其實店鋪地址好好搵，港鐵一出，行少少就到。不過你要先挑戰行5層樓，因為佢係位於一個唐樓單位。唔好expect佢有中上環店的裝修，而係走溫馨家庭風。小店勝在有好服務，兩位店主非常好人，會同你傾下計先，了解下你想要d咩，之後不斷介紹適合我的款俾我試，雖然話1個鐘任試，但我又over time 左少少啦。 同兩位店主傾計後發現佢地本來無意做太多婚紗生意，完全係因為喜歡婚紗鍾意儲，同完成開婚紗店的夢想，起初都係租俾朋友，無點對外公開店鋪架。有家店而家真係俾左的藉口佢地買多d囉，真係一個好貴的興趣🙈。 而佢地d婚紗就係去歐洲旅行時同上網定架，因為d款可能係佢地鍾意就買，所以有機會係2-3年前的舊款，但著得我靚就得啦，而且仲係好新淨，婚紗我都係想要long lasting 款。如果追款的B2B可以唔駛考慮了。
佢大多數婚紗都係歐美大牌，真係一試歐美款又係另一種感覺。朋友話，試完歐洲野會返唔到轉頭😜
俾大家望望我其中試左的

 第一件係心型胸lace 款，個款好高貴，我幾鍾意前面的cutting，好易carry 仲著得我瘦左。加條belt 又係另一種style。有少少鍾意，但又覺得仲差wow 一聲的感覺。

 

第二件係店主推介的背心款。如果唔係佢介紹我真係未必會揀。因為款式好ballet 同我平常著leotard 的感覺差不多，所以會想搵d同平時唔同的。

 第三件係少少英國傳統lace 設計，感覺好elegant 同優雅。加左belt 即時modern 左，背後有一排珠珠detail 都好心心眼，但我又覺得前面心口個cutting 差少少野，可能係我鍾意心型胸多d啦。

 第四件都係店主推介，佢話呢款可以滿足同時想著魚尾又想著A line的新娘子。效果真係好特別，可惜唔係我杯茶。 

第5件晚裝個cutting 都幾靚，但我都上身就顯得我成個人深色左，唔係好襯我膚色。

因為我好想要粉紅色的晚裝，而其他款我又唔係好啱。所以當日唔係好揀到，店主就話返新貨就會send msg 俾我。希望會有驚喜啦。
下星期我試多一間(朋友highly recommended 的) 之後就唔再去試婚紗啦，試太多真係花多眼亂，又要花咁多時間，寧願減少選擇，集中d好過。因為我仲有好多items 要K.O.架。
利申: 我未join 呢間個package。只係覺得有好野share 俾大家。
因為我未必成日回覆到PM 我直接寫vendor 名啦。有興趣你可以去佢Facebook @whitelovebridal
多謝大家收看我個blog ,有興趣都可以follow 我💕
Facebook @sweetheartgal

Instagram @sweetheartgal