carrier oils – SweetheartGal | Beauty

大家一定等左好耐，因為之前一直未有時間拍好條片，趁今個假期我終於攪掂左啦。不過我好驚條片悶親大家，所以我用左快鏡之餘仲講得好快。如果有missing 嘅地方，我就係度補充啦。

“植物油潔面的好處係可以同時間清潔和滋潤肌膚，試過你就會愛上的” ﹣ SGal

要整卸妝油，有以下幾種植物油可以選，睇你自己鍾意同效果：

蓖麻油Castor oil ﹣ 主要用作基底油，有潤濕作用，係理想的潤滑油。但佢既密度、粘度比一般油高，不且獨自使用。
荷荷芭Jojoba oil ﹣ 滲透性高，可加快皮膚吸收。仲會係皮膚表面形成保護膜。不過不D結身，無甜杏仁油同葡萄籽油咁易推。但穩定性高（因為有維E），可以keep好耐DD。佢有個好處係會溶係溫水，洗完臉都唔怕整到洗臉盆油淋淋喔
甜杏仁油Sweet almond oil ﹣易吸收，質地清爽唔油膩。能夠滋潤同軟化膚質。適合乾燥、敏感、暗瘡膚質都okay 架。
葡萄籽油Grapeseed oil﹣ 非常之容易吸引，而且唔油膩，好易推開。最緊要係有抗氧化，同美白淡班既功效。唔想mix單獨用都得架

精油同維他命E油係 Optional，你鍾意都可以加埋架：

當然唔少得d靚靚玻璃瓶啦。好處係可以不斷recycle ，又可高溫消毒。我之前試過recycle 舊膠樽，點知一加熱水就溶左lu.

我就用左4種油mix，呢個我自己用左好幾次唔同油嘅分量而研究出黎，同你地一般見到嘅可能有d唔同。我覺得只係用黎當卸妝油有d浪費，所以我卸妝時我俾d油留係面上耐d，卸妝兼護膚。（可以睇返我之前的post 我的護膚時間表）

我屬於混合性皮膚，製作用油嘅比例為1:4。即1份castor oil 配4份植物油。唔明？簡單d講，例如1份castor oil 係10ml，其他嘅油就放40ml。而精油係optional，如果你要加又要計數啦。

例如: 100ml 卸妝油要滴幾多精油呢？每100ml 就要有1%的精油，我地就將100ml x 1%=1ml，以每滴精油為0.05ml ，再用1ml 除0.05ml=20。即係話每100ml要有20滴精油啦。因為靚嘅精油好貴，而且只係卸妝用，你覺得無所謂唔落都得架。

其實要用咩油好睇你個人喜好同膚質。唔知你係咩膚質呢？可以參考下面的formula:

乾性皮膚 1:9

可以加

中性皮膚 1:2

可以加

油性皮膚 1:2

可以加

混合性皮膚 1:4

可以加

SweetheartGal 特製卸妝油配方（混合性皮膚）:

(應該要跟算式一樣30滴精油，不過我覺得太多所以自己減左幾滴，而且最尾果幾滴有時比較難控制，好易滴多左。大概去到第12滴時我就會收手)

♥ 記得mark低邊日整同成分呀，要注意過期日喔。由於天然物料不能保存太久，除非放左好多維他命E油，唔係最好一至二個月內使用完畢喔♥

♦ 請注意：孕婦忌服蓖麻油

大家可以參考我之前拍的短片：

標籤: carrier oils