how to style – SweetheartGal | Beauty

大家都知道近期韓國好興呢個空氣劉海，其實同我小學時個齊蔭好似。為左減齡，我而家再次挑戰一下，希望carry 到啦。

俾大家先睇下我剪頭髮之前個樣，已經有3個月無修理過，所以無哂layer，好亂呢♥

呢個空氣劉海真係唔易打理，剪之前髮型師Eddie仲問清楚我係咪真係想剪，驚我後悔。咁我細個都幫自己剪過啦，我心諗應該okay掛？我見而家好多韓國女星都剪，好似有仲有好多變化，就大膽再試下啦。話哂新年新形象。
因為我一直慣咗係長蔭，朝早唔使點樣整個頭就出得門口。而家就要成日搞搞先出得街，其實幾煩下。不過要靚就無計。
Eddie 教左我3種快速set 頭，其實幾易，你都可以一試。