標籤: review

大家期待的試用報告終於完成了。今次先講大家都好關心的眼霜。成日都聽到有朋友問唔知買咩眼霜好，一係唔夠潤，好似水咁，一係就太立，攪到生粒粒。

今次就同大家分享一下我用左Gobdigoun Aging Corrector Eye Cream。呢個係之前收到的sample，因為自己的eye cream 未用完，所以一直未拎來用。我唔想求其用一兩次就介紹俾大家呢。我認真試用二星期了，效果其實幾好。

買野當然睇下包裝啦。首先講講佢個packing, 真係幾靚。有一個特別設計的graphic 用上燙金色同大量粉紅粉綠的顏色印刷，圖案顏色排列有序，中間穿插著佢地主打的成份，巧妙地融合在一起。唔會令人睇到眼花。不過用於印刷成分資料的英文字體我就覺得可以改用簡單常用的Arial / Helvetica 就會清楚易睇好多。

眼霜用左支針筒形設計，只要簡單一pump就夠用了。我試過用兩pump可能係我個人問題，我覺得好厚比較難推，好似好耐都吸收唔晒咁。佢嘅質地係奶白色霜狀，係手指上輕輕印開時，你會感到有一點絲滑的感覺，有層好滑的衣咁。

呢個質地幾好推，同時亦好快被吸收，我最喜歡清爽的cream了。大概係眼部按摩三次就已經吸收晒了。唔知係咪我體溫問題，我按摩果陣感覺到有少少微溫，暖暖地咁好似加大左個去水腫效果咁。自從25歲之後我特別注意眼部護理，事實係同地心吸引力對抗真係要花好大功夫。水腫已係少事，仲有眼皮下垂，皺紋等。大家有興趣可以跟我以下的方法每日做眼部按摩。分左朝早的簡易版，同晚上的進楷版。

Morning:

Night:

Step 1:

 

Step 2:

Step 3:

神奇的事係，呢支眼霜嘅提升能力真係好强。我特別揀左剛剛起身🙈零化妝，雙眼最腫嘅時候試俾大家睇，大家有睇到分別嗎？

到左大家最在意的成分分析了。以下係網上查閱的結果。

如果最主要的成分係行先的話，即係話水就係主要成分，其次係

1. Dimethicone/Vinyl Dimethicone Crosspolymer 聚二甲基矽氧烷/乙烯基聚二甲矽氧烷交聯聚合物 : 親油性增稠劑
2.  1,2-Hexanediol (1,2-己二醇): 溶劑，(香料、香精、油墨)之稀釋劑。具有抑菌效果之多元醇，可幫助保溼及滲透，添加量在5%左右，就具有明確的防腐效果。但無防腐劑的產品，保存期限趨向保守。

以下成分就解釋左點解佢咁細滑了。

1.  Nicotinamide(菸鹼胺): 肌膚調理劑 – 滑順劑，菸鹼酸之胺基化合物，維生素B3 之衍生物。可維持肌膚中神經酰胺和游離脂肪酸水平，維持肌膚含水量，增進真皮層微循環。研究顯示對於部分皮膚發炎狀況有抗炎之幫助，阻止發炎性青春痘(inflammatory acne)惡化。
2.  Butylene Glycol(丁二醇) : 保濕劑及溶劑，增加產品滑順度，十分廣泛的被用於化妝用品，有可能產生輕微的刺激感，不過並無致敏的證據，CIR 及 FDA 至今評估此成分皆為安全。含有兩個羥基之有機化合物，和 Propylene Glycol 類似，但具更輕的質地。用於化妝品中作為結合水分，並幫助肌膚抓水，但小分子的醇因為揮發速度快，同時也更快從肌膚帶走水份，因此實際上抓水能力並不高，有時功用反而在於協助溶解污垢，幫助活性成份滲透。
3.  Glycerol(甘油) : 柔軟、保濕、卸妝溶劑及潤滑劑。屬小分子保溼成分，在多元醇的保濕劑中，以甘油的保濕效果較為顯著，可將水分留在角質層，並有防止化妝品乾裂之功能。

而佢係包裝盒上主力sell，幫助抗皺的成分主要係:

1. Placental Protein (胎盤素): 促進新陳代謝，刺激細胞再生，成效較慢，但安全性較高。
2. Acetyl Hexapeptide-3 (乙醯基六肽-3): 保溼、抗皺(放鬆以控制表情紋)、阻止彈力蛋白分解，由六個胺基酸組合而成的類肉毒桿菌因子，但不具毒性。
3.  Adenosine(腺苷): 在人體內能量轉換及循環上扮演重要的角色，部分廠商則宣稱其具有幫助肌膚代謝，甚至放鬆皺紋之效果。

其餘成分有乳化穩定劑，仲有大量不同花種的萃取物，目的大部分為舒緩肌膚，淡化皺紋，顯得光滑、柔嫩。 
總結佢地嘅成分相當有誠意呢。

成分資料來自: cosdna.com