標籤: underwear

星期日我同我嘅BFF相約一齊姐妹淘去咗呢間位於銅鑼灣嘅內衣專門店。佢地的有一個好貼心嘅內衣顧問服務，幫你搵啱bar bar。

剛黎到呢間鋪頭嘅時候，仲以為自己走錯左去一間樓上cafe。因為佢嘅waiting area 好大，裝修好舒服。咁係你等緊嘅時候呢，你可以係咁靚嘅環境下同朋友傾下計，影下相。話咁快就過咗15分鐘啦。

 

雖然我哋無預約到，好彩我地早1點鐘到，walk-in都係等左15分鐘左右就到我地啦。呢度而家有d好靚嘅聖誕怖置，所以我地一邊等一邊影住相selfie 下玩咗一陣。係我地好開心玩緊嘅時候，就突然到我地了。
入到去試身室之後，顧問就會同你分析你身材睇吓你有咩嘅內衣需要。然後佢會好細心咁話俾你知有咩要注意。其實我地好多人都唔知原來胸肉會因為著錯bar而走位。好似你背脊出現嘅肥肉，加拿大前唧出的兩舊年糕，其實都係因為著錯左bar，而令你d肉走唒位。通常都係得幾個問題嘅啫，留意下:

1. 彎腰或者坐低嘅時候，肩帶會鬆甚至跌膊
2. 杯罩太薄太輕包唔唒，大胸妹一定會移位
3. 離罩
4. 肩帶會扯左上去。係背面會見到肩帶同背扣成為一個w/ m字形。(正常應為一條L形直線)
5. 兩邊唧左d副乳

之後佢就根據我嘅size 俾左d bar我試。有啲咩問題佢都會好仔細咁同你直接指出，所以你會知道自己有d咩要改善，仲教左我點樣正確戴bar。佢話最好買背帶粗嘅款，最好係有3個扣嘅，因為咁先至夠承托力，仲要著多件背心包住，咁d肉肉先無咁易走位。要注意戴嘅時候要用4隻手指將d肉沿著背脊後向前推至心口上面，之後再用3隻手指將d肉由加拿大撥返去中間。

千其唔好以為呢個係矯型bar，佢同你平時d bar bar 一樣，只不過係一個真正適合你嘅bar。咁你著啱size，又推返啱d肉自然有返個正常胸，iPad 都會出現山谷。
款式就無咩選擇，只係一d基本款式，有lace 和光面的sport bar，顏色如圖:

價錢如下:

由於係針對你身型嘅要求，所以要跟你試嘅size 定貨要等20日先做起。不過可以免費送順豐速遞，所以20日後都唔駛專登再黎攞。

期待新年2016到貨。

有興趣可以找 Braologie